Bodi blong Mit mo Bun Luk tu long Bodi; Ded, We i Save, Laef long Wol; Fasin blong Wol; Man, We I Folem Fasin blong Wol Bodi blong Mit i gat fulap mining: (1) sopsop mit ia we i mekem bodi blong man, animol, pijin, o fis; (2) laef long wol; o (3) bodi o fasin blong man blong folem fasin blong wol. Mit blong bodi Ol animol bae oli kam mit blong yufala, Jen 9:3. Oli no mas kilim animol nating, JST, Jen 9:10–11 (D&K 49:21). Ol animol mo ol pijin, oli blong man i kakae mo i yusum blong mekem klos, D&K 49:18–19 (D&K 59:16–20). Yumi mas kakae mit wanwan taem, D&K 89:12–15. Laef long wol Jisas i wan stret Pikinini ia nomo blong Papa long wol ia, Jon 1:14 (Mos 15:1–3). Adam i kam fas bodi blong mit mo bun long wol, Moses 3:7. Fasin blong man blong folem fasin blong wol Man we i trastem man, i putum tingting blong hem long paoa blong man nomo, bambae God i jajem hem se hem i mas ded, Jerem 17:5. Tingting blong yufala i strong, be bodi blong yufala i slak, Mak 14:38. Man i wantem tumas ol rabis samting, be ol fasin ia oli no kamaot long Papa blong yumi, 1 Jon 2:16. Nifae i harem nogud from bodi blong mit mo from ol rabis fasin blong hem, 2 Nif 4:17–18, 34. No folem tingting blong devel mo bodi blong mit mo bun, 2 Nif 10:24.