Taetas, Leta I Go long

Taem Pol i bin fri blong smol taem long kalabus blong Ol Man Rom, hem i raetem wan leta i go long Taetas, we i stap long Krit. Leta ia i tokbaot ol kwestin we i go wetem disiplin insaed long Jos mo oganaesesen blong Jos.

Japta 1 i tekem griting blong Pol, mo tu, ol instraksen mo jeneral kwalifikesen blong ol bisop. Ol japta 2–3 oli tekem ol jeneral tijing blong ol mesej blong hem i go long Taetas long wei blong tritim samfala grup insaed long Jos long Krit. Pol i leftemap tingting blong olgeta Sent blong winim fasin blong stap stronghed, blong gat klia tingting mo stap fetful, mo blong holemtaet ol gudfala wok.