Wok, Ol Ol aksen blong wan, nomata i gud o nogud. Wanwan long yumi bae i kasem jajmen from ol wok blong hemwan. Lod bae i givim long evri man folem ol wok blong hem, Prov 24:12. Letem laet blong yufala i saen long fored blong ol man blong oli save luk ol gudfala wok blong yufala, Mat 5:16 (3 Nif 12:16). Hem we i mekem tingting blong Papa blong mi bae i go insaed long kingdom blong heven, Mat 7:21. Fet we i no gat wok i go wetem, i samting we i ded, Jem 2:14–26. Oli mas kasem jajmen from ol wok blong olgeta, 1 Nif 15:32 (Mos 3:24). Mifala i save se hem i tru long gladhat we Jisas bae i sevem yumi, be afta nomo we mifala i mekem evri samting we mifala i save mekem, 2 Nif 25:23. Tijim olgeta blong oli no stap taed blong mekem ol gudfala wok, Alma 37:34. Hem i mas hapen we ol man bae oli kasem jajmen folem ol wok blong olgeta, Alma 41:3. Tru long ol wok blong olgeta bambae yufala i save olgeta, Moro 7:5 (D&K 18:38). Mi, Lod, bae mi jajem evri man folem ol wok blong olgeta, D&K 137:9.