Efrem

Efrem i bin kasem raet blong fasbon long Isrel (1 Kron 5:1–2; Jerem 31:9). Long ol las dei, spesel janis mo responsabiliti blong olgeta i blong kasem prishud, tekem mesej blong gospel we i kambak i go long wol, mo leftemap wan flag blong pulum tugeta Isrel we i seraot olbaot (Aes 11:12–13; 2 Nif 21:12–13). Ol pikinini blong Efrem bae oli givim wan hat blong king we i glori long olgeta we oli kam long ol kantri blong Not, we bae oli kambak long ol las dei (D&K 133:26–34).

Hem i rekod blong wan grup blong laen blong Efrem we Lod i lidim olgeta aot long Jerusalem i go long Amerika samples 600 B.K.B. Rekod blong grup ia, oli singaotem stik blong Efrem, o Josef, o Buk blong Momon. Stik ia, wetem stik blong Juda (Baebol) i joen blong givim wan testemoni we i semmak abaot Lod Jisas Kraes, taem we Hem i bin laef bakegen long ded, mo tabu wok blong Hem long tufala grup ia blong haos blong Isrel.