Inok

Wan profet we i bin lidim ol pipol blong siti blong Saeon. Seves blong hem oli tokbaot long tugeta, OlTesteman mo Perel we I Gat Bigfala Praes. Hem i bin nambaseven petriak afta long Adam. Hem i boe blong Jared mo papa blong Metusela (Jen 5:18–24; Luk 3:37).

Inok i bin wan gudgudfala man mo seves blong hem i moa bigwan bitim smol stori abaot hem long Baebol. Baebol i talem se hem i no testem ded mo i go long heven (Hib 11:5) be i no tokbaot seves blong hem. Jud 1:14 i tokbaot wan profesi we Inok i bin mekem. Lata-dei revelesen i eksplenem moa abaot Inok, speseli abaot prijing blong hem, siti blong hem we oli singaotem Saeon, ol visen blong hem, mo ol profesi blong hem (D&K 107:48–57; Moses 6–7). Lod i tekem Saeon i go long heven from se olgeta we oli bin stap long Saeon oli bin stret mo gud (Moses 7:69).