Bigfala Wota long Taem blong Noa Luk tu long Bigfala Sip; Noa, Petriak long Baebol; Renbo Long taem blong Noa, wota i bin kavremap wol ia fulwan. Hemia i bin baptaes blong wol mo i olsem saen blong we God i klinim wol (1 Pita 3:20–21). God bae i mekem ol bigfala wota oli kam long wol blong prapa spolem gud evri bodi blong mit mo bun, Jen 6:17 (Moses 7:34, 43, 50–52; 8:17, 30). Ol wota blong bigfala wota ia oli bin stap long wol, Jen 7:10. God i putum wan renbo i stap long klaod olsem saen blong promes ia, Jen 9:9–17. Afta we ol wota oli lus bakegen, graon blong Amerika i kam wan gudfala graon we i gud bitim ol narafala graon, Ita 13:2. Ol nogud man bae oli ded long bigfala wota ia, Moses 7:38; 8:24.