Ebraham

Hem i wan boe blong Tera, we i bon long Uru, long Koldia (Jen 11:26, 31; 17:5). Hem i wan profet blong Lod, we Lod i bin mekem ol kavenan we oli no save finis wetem hem; mo tu, tru long hem, evri nesen blong wol oli kasem blesing. Ebraham, fasfala nem blong hem i Ebram.

Hem i muvaot i go long Haran, ples we Tera i bin ded, Jen 11:31–32 (Ebr 2:1–5).
God i singaotem hem blong i go long Kenahan, mo blong hem i kasem wan tabu kavenan, Jen 12:1–8 (Ebr 2:4, 15–17).
Hem i go kasem Ijip, Jen 12:9–20 (Ebr 2:21–25).
Hem i mekem ples blong hem long Hebron, Jen 13:18.
Hem i sevem Lot, Jen 14:1–16.
Hem i mitim Melkesedek, Jen 14:18–20.
Hega i bonem wan pikinini boe blong Ebraham, we nem blong hem, Ismael, Jen 16:15–16.
Nem blong hem i jenis i kam Ebraham, Jen 17:5.
Lod i talem long Ebraham mo Sera se bae tufala i gat wan pikinini boe, Jen 17:15–22; 18:1–14.
Sera i bonem boe blong Ebraham, we nem blong hem i Aesak, Jen 21:2–3.
Hem i kasem oda blong givim Aesak olsem wan sakrifaes, Jen 22:1–18.
Sera i ded mo oli berem hem, Jen 23:1–2, 19.
Ebraham i ded mo oli berem hem, Jen 25:8–10.

Buk blong Ebraham

Ol buk blong bifo we Ebraham i bin raetem, Jos i kasem olgeta long yia 1835. Antonio Lebolo i bin faenem ol histri ia wetem sam ded bodi we oli kavremap olgeta; hem i faenem olgeta insaed long sam hol long graon long Ijip. Antonio Lebolo i givim olgeta samting ia long Maekel Sandla. Sandla i bin soem olgeta long Yunaeted Stet long yia 1835. Sam fren blong Josef Smit i bin pem olgeta long Sandla, mo afta, oli givim long Profet, we i bin transletem olgeta. Sam long ol histri ia, naoia yumi save ridim i stap insaed long Perel we I Gat Bigfala Praes.

Japta 1 i tokbaot ol eksperiens blong Ebraham long Uru long Koldia, long ples we ol nogud pris oli bin traem blong sakrifaesem hem. Japta 2 i tokbaot wokbaot blong hem i go long Kenahan. Lod i bin kamaot long hem mo i bin mekem ol kavenan wetem hem. Japta 3 i tokbaot se Ebraham i bin luk yunives, mo i luksave wanem i stap bitwin ol bodi blong heven. Ol japta 4–5 oli wan nara stori abaot Kriesen.

Laen blong Ebraham

Ol pipol we, tru long fasin blong stap obei long ol loa mo ol odinens blong gospel blong Jisas Kraes, oli kasem ol promes mo ol kavenan we God i bin mekem long Ebraham. Ol man mo ol woman oli save kasem ol blesing ia sapos oli kamaot stret long laen long Ebraham, o sapos oli adoptem olgeta long famli blong hem taem oli akseptem gospel mo oli kasem baptaes (Gal 3:26–29; 4:1–7; D&K 84:33–34; 103:17; 132:30–32; Ebr 2:9–11). Olgeta we oli kamaot stret long laen blong Ebraham oli save lusum ol blesing blong olgeta sapos oli no stap obei (Rom 4:13; 9:6–8).