Ful Sapot

Hem i prinsipol ia we tru long hem, ol memba blong Jos oli sastenem olgeta we oli singaotem olgeta blong wok insaed long Jos, mo tu, blong agri long ol desisen blong Jos we i nidim ful sapot blong ol memba, we plante taem, oli soem taem oli stap leftemap raet han.

Jisas Kraes i stanap long hed blong Jos blong Hem. Tru long insperesen blong Tabu Spirit, Hem i lidim ol lida blong Jos long ol impoten aksen mo desisen. Be, evri memba blong Jos oli gat raet ia mo spesel janis ia blong sastenem, o blong no sastenem ol aksen mo ol desisen blong ol lida blong olgeta.