Niu Testeman

Wan koleksen blong ol raeting we oli kam tru long insperesen (we oli stap long lanwis blong Gris) abaot laef mo seves blong Jisas Kraes, ol Aposol, mo ol narafala man we oli folem Jisas Kraes. Niu Testeman i seraot long ol Gospel, Ol wok blong ol Aposol, ol leta blong Pol, mo narafala leta, mo buk blong Revelesen.

Ol fofala Gospel—buk blong Matiu, Mak, Luk mo Jon—oli ol stori blong laef blong Kraes. Buk blong Ol Wok i tokbaot histri blong Jos mo ol Aposol, speseli ol misinari wokbaot blong Pol afta we Kraes i ded. Ol leta blong Pol oli givim instraksen long ol lida mo memba blong Jos. Ol narafala leta ol nara Aposol oli raetem mo oli givim sam moa kaonsel long ol fasfala Sent. Buk blong Revelesen, we Aposol Jon i raetemdaon, i tekem ol profesi we i blong ol las dei.