Haris, Martin

Wan long Ol Trifala Witnes we i talem weaples nao Buk blong Momon i kam long hem, mo se Buk blong Momon i tru. Hem i bin givim mane long Josef Smit mo Jos blong givhan. Lod i bin askem Martin Haris blong salem propeti blong hem, mo givim mane blong hem blong pem wok blong pablisim Buk blong Momon (D&K 19:26–27, 34–35), blong stap wan eksampol long Jos (D&K 58:35), mo blong help blong pem ol samting blong seves blong gospel (D&K 104:26).

Jos i bin ekskomuniketem Martin Haris, be afta, hem i kambak fulwan long Jos. Kasem en blong laef blong hem, hem i testifae se hem i bin luk enjel Moronae mo ol buk we oli wokem long gol we Josef Smit i transletem Buk blong Momon long hem.