Gospel, Ol

Ol fo histri o testemoni blong laef blong Jisas long wol ia, mo ol samting we oli bin hapen long saed blong seves blong Hem we oli stap long ol fo fasfala buk blong Niu Testeman. Matiu, Mak, Luk mo Jon, olgeta fo ia oli bin raetem; oli ol witnes blong laef blong Kraes we oli raetemdaon. Buk blong 3 Nifae long Buk blong Momon, long plante wei, hem i semmak long ol fofala Gospel ia blong Niu Testeman.

Olgeta buk blong Niu Testeman, oli bin raetem olgeta faswan long lanwis blong Gris. Grik toktok blong gospel, i minim “gud nius.” Gud nius ia i we Jisas Kraes i bin mekem wan atonmen we bae i pemaot evri man long ded, mo bae i givim praes blong wanwan folem wok blong hem (Jon 3:16; Rom 5:10–11; 2 Nif 9:26; Alma 34:9; D&K 76:69).

Luk tu long Agrimen Bitwin Ol Buk blong Gospel we i stap long Apendiks.