Kronikel

Ol japta 1–9 oli givim lis blong ol famli laen stat long Adam i go kasem Sol. Japta 10 i rekodem ded blong Sol. Ol japta 11–22 oli tokbaot ol samting we oli bin hapen we i go wetem rul blong Deved. Ol japta 23–27 oli eksplenem se Solomon i kam king mo oli putum ol man Livae long oda folem wok blong olgeta. Japta 28 i eksplenem se Deved i givim oda long Solomon blong bildim wan tempol. Japta 29 i rekodemdaon ded blong Deved.

Ol japta 1–9 oli tokbaot ol samting we oli bin hapen we i go wetem rul blong Solomon. Ol japta 10–12 oli tokbaot rul blong boe blong Solomon, Rihoboam, long taem ia we yunaet kingdom blong Isrel i bin seraot long Not mo Saot kingdom. Ol japta 13–36 oli tokbaot rul blong ol defren king kasem taem we Nebukadnesa i holemtaet kingdom blong Juda. Buk i en wetem ofisol toktok blong Sirus we i talem se ol pikinini blong Juda we oli ol prisena oli save gobak long Jerusalem.