Sabat Dei

Wan tabu dei we oli putum i stap evri wik blong oli spel mo wosip. Afta we God i krietem olgeta samting, Hem i spel long nambaseven dei mo i givim oda se wan dei long wan wik bae i wan dei blong spel blong helpem ol pipol blong tingbaot Hem (Eks 20:8–11).

Bifo long Laef Bakegen long Ded blong Kraes, ol memba blong Jos oli stap tekem se las dei blong wik i Sabat, semmak olsem Ol Man Jiu. Afta long Laef Bakegen long Ded, ol memba blong Jos, olgeta we oli Jiu o Jentael, oli tekem se fas dei blong wik (dei blong Lod) i stap blong tingbaot Laef Bakegen long Ded blong Lod. Tedei, Jos i gohed blong tekem wan dei long wan wik olsem tabu sabat dei we i blong wosipim God mo spel long ol wok blong wol ia.

Sabat i mekem ol pipol oli tingbaot nid blong olgeta blong fidim olgeta long saed blong spirit, mo tu, oli tingbaot diuti blong olgeta blong obei long God. Taem wan nesen i kam blong i no mekem gud blong stap folem Sabat, evri saed blong laef i no wok gud, mo laef long saed blong relijin i stap kam roten (Neh 13:15–18; Jerem 17:21–27).