Matiu

Wan Aposol blong Jisas Kraes mo hem nao i raetem fas buk long Niu Testeman. Matiu, i wan Jiu we i stap kolektem takis blong Ol Man Rom long Kapaneam, mo ating hem i stap wok blong Herod Antipas. Oli save gud hem bifo hem i konvet olsem Livae, boe blong Alfeas (Mak 2:14). I no longtaem afta we Jisas i singaotem hem blong kam disaepol blong hem, hem i mekem wan lafet we Lod i bin stap long hem (Mat 9:9–13; Mak 2:14–17; Luk 5:27–32). Ating Matiu i gat bigfala save long ol skripja blong OlTesteman mo i save stap blong luk profesi i kamtru long laef blong Lod. Long saed blong laef blong Aposol ia afta, i no gat fulap samting long hemia. Wan stori i talem se hem i ded from ol bilif blong hem.