Jajes, Buk blong

Wan buk long OlTesteman. Buk blong Ol Jaj i lukluk long Ol Man Isrel stat long ded blong Josua i go kasem taem we Samuel i bon long wol ia.

Ol japta 1–3 oli wan fas toktok long ful buk blong Ol Jaj. Oli eksplenem se from se Ol Man Isrel oli no bin ronemaot ol enemi blong olgeta (Jaj 1:16–35), bae Ol Man Isrel oli mas fesem risal blong hem: oli lusum bilif, oli maredem olgeta we oli no biliv, mo oli stap wosipim ol aedol. Ol japta 4–5 oli tokbaot eksperiens blong Debora mo Barak, we tufala i bin mekem Isrel i fri long ol man Kenan. Ol japta 6–8 oli ol eksperiens blong Gidion abaot fet; mo Lod i blesem Gidion blong hem i mekem Isrel i fri long Ol Man Midian. Long ol japta 9–12, plante defren man oli stap olsem ol jaj long Isrel long taem we plante man Isrel oli stap long apostasi mo ol man blong rul blong narafala ples oli stap rul. Ol japta 13–16 oli tokbaot taem las jaj, Samson i kam antap mo i foldaon. Ol las japta, 17–21, yumi save talem se oli olsem wan las toktok we i tokbaot olsem wanem ol sin blong Isrel oli bigwan tumas.