Strong Ston Luk tu long Gospel; Jisas Kraes; Revelesen Long wan wei, hem i minim Jisas Kraes mo gospel blong Hem, we oli wan strong fandesen mo sapot (D&K 11:24; 33:12–13). Strong ston, i save tokbaot tu, revelesen, we tru long hem, God i mekem gospel blong hem i kam long man (Mat 16:15–18). Hem i strong ston, wok blong hem i stret evriwan, Dut 32:4. Lod i strong ston blong mi; mi mi trastem hem, 2 Saml 22:2–3. Wan strong ston we i no gat han i katem, Dan 2:34–35. Hem i stanap long wan strong ston, Mat 7:25 (3 Nif 14:25). Jisas Kraes i strong ston ia we i stap, Wok 4:10–11. Strong ston ia hem i Kraes, 1 Kor 10:1–4 (Eks 17:6). Hem we oli bildim hem antap long strong ston i kasem trutok, 2 Nif 28:28. Ol Jiu bae oli sakemaot strong ston ia [Kraes] we oli save bildimap olgeta antap long hem, Jek 4:15–17. Hem i long strong ston blong Ridima blong yumi, we yumi mas bildim fandesen blong yumi, Hil 5:12. Huia i bildimap hem long ol doktrin blong Kraes i bildimap hem long strong ston ia mo bae i no foldaon taem ol bigfala wota i kam, 3 Nif 11:39–40 (Mat 7:24–27; 3 Nif 18:12–13). Wan waes man i stap bildimap haos blong hem antap long strong ston, 3 Nif 14:24. Sapos yufala i stanap antap long strong ston blong mi, bambae oli no save win, D&K 6:34. Hem we i bildimap hem antap long strong ston ia, bambae i neva foldaon, D&K 50:44. Mi mi Mesaea, King blong Saeon, Strong Ston blong Heven, Moses 7:53.