Livae

Jekob i blesem Livae mo laen blong hem (Jen 49:5–7, 28). Olgeta we oli kamaot long laen blong Livae oli tij long ol haos blong wosip blong Isrel (Nam 1:47–54). Eron i wan man Livae, mo olgeta long laen blong hem oli bin ol pris (Eks 6:16–20; 28:1–4; 29). Ol man Livae oli helpem ol pris, ol boe blong Eron (Nam 3:5–10; 1 King 8:4). Samtaem, oli bin stap olsem ol man blong plei miusik (1 Kron 15:16; Neh 11:22); i kilim animol blong mekem sakrifaes (2 Kron 29:34; Esra 6:20); mo i stap help insaed long tempol (Neh 11:16). Ol Livaet, oli putum olgeta blong mekem seves long Lod blong mekem ol odinens blong ol pikinini blong Isrel. Oli bin stap givim ol Livaet nao olsem sakrifaes long bihaf blong ol pikinini blong Isrel (Nam 8:11–22); nao oli kam spesel propeti blong God, we oli givim long hem long ples blong fasbon (Nam 8:16). Oli no bin konsekretem olgeta we oli kam klin from ofis blong olgeta (Nam 8:7–16). Oli no gat graon we i kam long papa blong olgeta blong stap long hem long Kenan (Nam 18:23–24), be oli bin risivim taeting (Nam 18:21), foti-eit siti (Nam 35:6), mo wan raet blong kasem ol toktok blong ol pipol long ol taem blong lafet (Dut 12:18–19; 14:27–29).