Esra
Wan pris mo wan tija blong loa long taem blong OlTesteman we i bin tekem sam man Jiu i gobak long Jerusalem taem oli kamaot long kalabus long Babilon (Esra 7–10; Neh 8; 12). Long yia 458 B.K.B. hem i bin kasem raet blong Ataksekses, king blong Pesia blong tekem i go long Jerusalem, Ol Man Jiu we oli bin haed mo oli glad blong gobak (Esra 7:12–26).
Bifo taem blong Esra, ol pris kolosap oli gat ful kontrol blong ridim ol skripja we oli bin raetem, we oli singaotem “loa.” Esra i bin help blong mekem ol skripja oli stap blong evri Jiu i ridim. Open riding blong “buk blong loa” i kam long medel blong nasonal laef blong Ol Man Jiu. Ating, tijing blong Esra we i bin moa bigwan long ol narawan i bin kam long eksampol blong hemwan blong mekem hat blong hem i rere blong luklukgud long loa blong Lod, blong obei long loa ia, mo blong tijim loa ia long ol narafala (Esra 7:10).
Buk blong Esra
Ol japta 1–6 oli tokbaot ol samting we oli bin hapen stat long siksti i go kasem eiti yia bifo Esra i kasem Jerusalem—ofisol toktok blong Saeres long 537 B.K.B. mo taem Ol Jiu oli kambak anda long rul blong Serubabel. Ol japta 7–10 oli soem olsem wanem Esra i bin go long Jerusalem. Hem, wetem grup blong hem, oli bin livim kakae mo oli bin prea blong kasem proteksen. Long Jerusalem, oli faenem plante Jiu pipol we oli bin go long Jerusalem anda long rul blong Serubabel mo oli bin maredem ol woman aot long kavenan, mo long wei ia, oli bin mekem olgeta oli no klin. Esra i bin prea from olgeta mo i bin putum olgeta anda long kavenan blong oli mas divosem ol waef ia. Las pat blong histri blong Esra i stap long buk blong Nehemaea.