Nauvu, Ilinoa (YSA)

Wan siti we ol Lata-dei Sent oli stanemap long 1839 long stet blong Ilinoa. Hem i stap long Misisipi Reva, kolosap 320 kilometa antap long reva blong Sent Lui.

From ol hadtaem agensem olgeta long stet blong Misuri, ol Sent oli muv samples 200 mael long Not Is, krosem Misisipi Reva, mo i go long Ilinoa, we ples i bin gud moa. Long en, ol Sent oli pem graon kolosap long siti blong Komes we i no develop yet. Graon ia, i wan bigfala ples we i stap fulap long wota, mo i gat samfala bilding nomo long hem. Ol Sent oli drenemaot wota mo stanemap ol hom. Josef Smit i muvum famli blong hem i go long wan smol wud haos. Siti nem ia, Komes, i jenis i go long Nauvu, folem Hibru toktok, “Naes tumas.”

Samfala seksen long Doktrin mo Ol Kavenan oli rekodem long Nauvu (D&K 124–129; 132; 135). Lod i talem long ol Sent blong bildim wan tempol long Nauvu (D&K 124:26–27). Oli bildim tempol mo oganaesem ol stek blong Saeon bifo oli ronemaot olgeta long hom blong olgeta long 1846. From hadtaem ia agensem olgeta, ol Sent oli livim eria ia mo oli go long Wes.