Famli Laen

Wan rekod we i folem laen blong wan pikinini insaed long wan famli. Long ol ples we ol ofis blong prishud, o samfala blesing oli blong wan spesel famli nomo, ol famli laen we oli stap long ol skripja oli impoten tumas (Jen 5; 10; 25; 46; 1 Kron 1–9; Esra 2:61–62; Neh 7:63–64; Mat 1:1–17; Luk 3:23–38; 1 Nif 3:1–4; 5:14–19; Jerom 1:1–2). Tedei, long Jos we i kambak, ol memba blong Jos oli gohed blong faenem famli laen we oli kamaot long hem, long wan wei, i blong faenemaot stret ol bubu blong olgeta we oli ded finis blong oli save mekem ol odinens blong sevem man long bihaf blong ol bubu blong olgeta. Ol odinens ia, oli wok blong olgeta man mo woman we oli ded we oli akseptem gospel blong Jisas Kraes long spirit wol (D&K 127–128).