Klin Fasin Luk tu long Fasin blong Stap Klin; Paoa; Stap Tru Wan we i stap tru mo fasin blong hem i klin evriwan olgeta, i strong mo i gat paoa (Luk 8:46), o i klin long saed blong seks (Moro 9:9). Yu yu wan woman we i gat klin fasin, Rut 3:11. Hem we han blong hem i klin mo hat blong hem i klin gud bae i stanap long tabu ples blong Lod, Sam 24:3–4. Wan woman we i gat klin fasin i olsem wan hat blong king blong hasban blong hem, Prov 12:4. Praes blong wan woman we i no go wetem man yet, i hae antap i bitim praes blong ol sas ston ia, rubi, Prov 31:10–31. Ademap klin fasin long bilif blong yufala, 2 Pita 1:5 (D&K 4:6). Traem klin fasin blong toktok blong God, Alma 31:5. Letem klin fasin i flasem ol tingting blong yufala oltaem, D&K 121:45. Mifala i biliv blong stap klin, TbB 1:13 (Fil 4:8).