Jemes, Brata blong Lod

Hem i wan buk long Niu Testeman. Fastaem, hem i wan leta we ating oli raetem long Jerusalem i go long olgeta twelef traeb blong Isrel we oli stap olbaot long ol defren ples. Leta ia i tokbaot klia samfala poen long saed blong wei blong laef folem relijin, mo hemia i gat tu, impoten advaes long japta 1, se sapos wan man i wantem kasem waes tingting, hem i mas askem help long God (Jem 1:5–6; JS—H 1:9–20). Japta 2 i lukluk long fet mo ol wok. Ol japta 3–4 oli tokbaot nid blong kontrolem tang blong yumi mo i askem strong long olgeta Sent blong oli no stap tokbaot nogud ol narafala man. Japta 5 i leftemap tingting blong olgeta Sent blong gat fasin blong save wet longtaem, mo blong askem ol elda blong givim wan blesing taem oli sik; hem i tijim tu long saed blong ol blesing we yumi save kasem taem yumi stap helpem ol narafala pipol blong jenisim laef.