Taem yumi seperet long God mo paoa blong Hem; blong ded long saed blong ol samting we i go wetem stret mo gud fasin. Lusifa mo wan pat aot long tri blong ol pipol long heven oli bin safa long wan ded long saed blong spirit taem God i bin sakemaot olgeta i go aot long heven (D&K 29:36–37)
Ded long saed blong spirit i bin kam long wol tru long Foldaon blong Adam (Moses 6:48). Ol man blong wol ia we oli gat oli nogud tingting, ol nogud toktok, mo nogud wok, oli ded long saed blong spirit, be yet, oli stap laef long wol (1Â Tim 5:6). Tru long Atonmen blong Jisas Kraes, mo tru long fasin blong stap obei long ol prinsipol mo ol odinens blong gospel, ol man mo ol woman oli save kam klin long sin, mo oli save winim ded long saed blong spirit.
Ded long saed blong spirit i hapen tu afta long ded blong bodi blong wol ia. God bae i jajem olgeta we oli laef bakegen long ded, mo tu, bae i jajem devel mo olgeta enjel blong hem. Olgeta we oli gat tingting blong go agensem laet mo trutok blong gospel, bae oli safa long ded long saed blong spirit. Ded ia, plante taem oli singaotem seken ded (Alma 12:16; Hil 14:16–19; D&K 76:36–38).