Jajem, Jajmen Luk tu long Jajmen, Las; Jisas Kraes—Jaj; Rong, Talem Man I, Fasin blong Talem Man I Rong Blong skelem ol fasin wetem ol prinsipol blong gospel; blong disaed; blong luksave gud aot long nogud. Moses i bin sidaon blong jajem ol pipol, Eks 18:13. Wetem stret mo gud fasin bambae yufala i jajem neba blong yufala, Lev 19:15. Yufala i no jajem man blong oli no jajem yufala, Mat 7:1 (JST, Mat 7:1–2; Luk 6:37; 3 Nif 14:1). Olgeta we oli save loa mo oli sin, bae oli jajem olgeta folem loa ia, Rom 2:12. Olgeta Sent bae oli jajem wol, 1 Kor 6:2–3. Pikinini blong God we i no gat en, wol nao i jajem hem, 1 Nif 11:32. Olgeta Twelef Aposol blong Smol Sipsip bae oli jajem olgeta twelef traeb blong Isrel, 1 Nif 12:9 (D&K 29:12). Ded, mo hel, mo devel, mo evri man we ol samting ia i bin kasem olgeta bae i mas stanap long fored blong jea blong God, mo kasem jajmen, 2 Nif 28:23 (1 Nif 15:33). Sapos yufala i jajem man ia we i askem ol samting blong yufala long yufala, blong mekem se hem i no save ded, hamas moa bae yu kasem wan panis we i stret from we yufala i no bin serem ol samting blong yufala, Mos 4:22. Ol man bae oli kasem jajmen folem ol wok blong olgeta, Alma 41:3. Jaj wetem stret fasin, mo bae yu gat jastis i kambak long yu bakegen, Alma 41:14. Aot long ol buk we oli raetem bae oli jajem wol long hem, 3 Nif 27:23–26 (Rev 20:12). Haf blong ol pipol ia we oli stap bae olgeta twelef we Jisas i jusum long graon ia bae i jajem olgeta, Momon 3:18–20. Momon i eksplenem wei blong jajem gud aot long nogud, Moro 7:14–18. Putum tras blong yu long Spirit ia we i lidim man blong mekem gud, D&K 11:12. Yufala i mas talem long hat blong yufala—letem God i jajem bitwin mi mo yu, D&K 64:11. Jos Ia blong Lod bae i jajem ol nesen, D&K 64:37–38. Pikinini i bin visitim olgeta spirit long kalabus blong oli save jajem olgeta semmak olsem man we i gat mit mo bun, D&K 76:73 (1 Pita 4:6). Wan bisop bae i jeneral jaj, D&K 107:72–74. Lod bae i jajem evri man folem wok blong olgeta, folem wanem we hat blong olgeta i wantem, D&K 137:9.