Simbol

Blong yusum wan samting olsem eksampol o pikja blong wan nara samting. Fasin blong yusum simbol long ol skripja, oli yusum fulap ol samting we man i save gud olsem wan samting, wan taem, o wan situesen blong ripresentem wan prinsipol o tijing blong gospel. Eksampol, profet Alma blong Buk blong Momon i yusum wan sid blong ripresentem toktok blong God (Alma 32).

Ol profet truaot long ol skripja, oli yusum ol simbol blong tij abaot Jisas Kraes. Sam long olgeta simbol ia i gat ol seremoni, mo ol odinens (Moses 6:63), ol sakrifaes (Hib 9:11–15; Moses 5:7–8), sakramen (JST, Mak 14:20–24 [Apendiks]; Luk 22:13–20), mo baptaes (Rom 6:1–6; D&K 128:12–13). Plante nem long Baebol oli ol simbol. Long OlTesteman, tabenakol seremoni mo loa blong Moses oli ripresentem ol trutok we oli no save finis (Hib 8–10; Mos 13:29–32; Alma 25:15; Hil 8:14–15). Blong gat ol nara eksampol, luk long Matiu 5:13–16; Jon 3:14–15; Jek 4:5; Alma 37:38–45.