Jona

Wan buk long OlTesteman we i tokbaot eksperiens long laef blong Jona. Ating Jona i no raetem buk ia hemwan. Bigfala tingting blong buk blong Jona i we Jehova i stap rul long evri ples mo i no givim lav blong hem long wan nesen o pipol nomo.

Long japta 1, Lod i singaotem Jona blong prij long Nineve. Be Jona i no mekem olsem we Lod i komandem hem blong mekem, be hem i ronwe long sip mo wan bigfala fis i bin solemdaon hem. Long japta 2, Jona i prea long Lod, mo fis i draot aot long Jona i go long drae graon. Japta 3 i tokbaot se Jona i go long Nineve mo i profesae se bae Nineve i foldaon. Be ol pipol oli bin sakem sin. Long japta 4, Lod i tok strong long Jona from se hem i kros se Lod i bin sevem ol pipol.

Jisas i tijim se taem ia we fis i bin solemdaon Jona, hemia i stap olsem blong soemaot ded mo laef bakegen long ded blong Jisas (Mat 12:39–40; 16:4; Luk 11:29–30).