Herod

Wan famli blong ol man blong rul we oli stap long Judia kolosap long taem blong Jisas Kraes. Oli bin ol impoten pipol long plante samting we i bin hapen long Niu Testeman. Famli ia, Haeman Herod nao i mekem; Herod i fraet from taem ia we bae Sevya i bon (Mat 2:3) mo i givim oda blong mas kilimded evri smol pikinini long Betlehem. Ol boe blong hem i gat olgeta ia, Aristobolas; Herod Filip (Mat 14:3; Mak 6:17); Herod Antipas, we i rul long Galili (Mat 14:1; Luk 9:7; we oli save hem tu olsem King Herod, Mak 6:14); Akeleas (Mat 2:22); mo Filip we i stap rul long Ituria (Luk 3:1). Herod Agripa (Wok 12:1–23) mo sista blong hem Herodias (Mat 14:3; Mak 6:17) oli ol pikinini blong Aristobolas. Herod Agripa (Faswan) i bin gat plante pikinini we oli tokbaot tu long Niu Testeman, mo wan long olgeta i gat Herod Agripa, we i King Agripa (Wok 25:13), Benis (Wok 25:13), mo Drusila, waef blong Filiks (Wok 24:24).