Transletem

Blong talemaot mining blong wan tingting we i stap long wan lanwis i go long ol semfala toktok ia long wan narafala lanwis (Mos 8:8–13; TbB 1:8). Long ol skripja, plante taem, i tokbaot se hemia i wan presen we i kam long God (Alma 9:21; D&K 8; 9:7–9). Samtaem, hem i minim blong mekem gud moa, o blong stretem wan translesen we i stap finis long wan lanwis, o blong putumbak wan toktok we i bin lus (D&K 45:60–61). God i givim komanmen long Josef Smit blong mekem wan translesen blong King Jemes Baebol wetem insperesen (D&K 42:56; 76:15).