Sastenem Ol Lida blong Jos Luk tu long Ful Sapot Blong talem se bae yu sapotem olgeta we bae oli wok long ol jeneral o lokol Jos lidasip posisen I putum Josua long fored blong kongregesen, mo givim wok long fored blong ae blong olgeta, Nam 27:18–19. Evri pipol oli singaot, mo talem God i sevem king, 1 Saml 10:24. Biliv long ol profet blong hem, blong yufala i save kam antap, 2 Kron 20:20. Obei long olgeta we oli stap rul ova long yufala, Hib 13:17. Bae Lod bae i lukaot gud long yu, from yu no komplen, 1 Nif 3:6. Lod i sevem olgeta we oli bin akseptem ol profet, 3 Nif 10:12–13. Mekem folem olgeta toktok blong Olgeta Twelef ia, 3 Nif 12:1. Tru long voes blong miwan, o tru long voes blong ol wokman blong mi, i semmak nomo, D&K 1:38. Bae yufala i akseptem toktok blong hem, olsem se i kamaot long maot blong mi, D&K 21:5. Olgeta we oli akseptem ol wokman blong mi, oli akseptem mi, D&K 84:35–38. Huia i akseptem mi, i akseptem olgeta we mi bin sendem i kam, D&K 112:20. Sapos ol pipol oli no mekem folem voes blong olgeta man ia we mi jusum olgeta, bae mi no blesem olgeta, D&K 124:45–46.