Josef, Man blong Meri

Hasban blong Meri, mama blong Jisas. Josef i kamaot long laen blong Deved (Mat 1:1–16; Luk 3:23–38) mo i stap long Nasaret. Hem i maredem Meri. Jes bifo tufala i mared, Meri i kasem visit blong enjel Gabriel, we i talemaot se God i jusum Meri blong stap olsem mama blong Sevya (Luk 1:26–35). Josef tu i kasem revelesen long saed blong taem ia we i tabu (Mat 1:20–25).

Meri, hemwan nomo i stret famli blong Jisas long wol ia, from se God we i Papa, Hem nao i Papa blong Jisas, mo Meri i mama blong Jisas. Be Ol Man Jiu oli ting se Josef i papa blong Jisas, mo Jisas i tritim Josef olsem papa blong hem (Luk 2:48, 51). From se ol drim we oli kam long heven oli wonem hem, Josef i lukaotgud long laef blong bebi Jisas nao oli ronwe i go long Ijip (Mat 2:13–14). Afta we herod i ded, wan enjel i talemaot long Josef blong tekem Kraes i gobak long Isrel (Mat 2:19–23).