Adam

Fas man we God i krietem long wol

Adam i papa mo petriak blong famli blong ol man kaen long wol ia. Taem hem i bin brekem loa long Garen blong Iden (Jen 3; D&K 29:40–42; Moses 4) i bin mekem se hem i “foldaon” mo hem i save ded; hemia i wan step we i nid blong i hapen blong famli blong man i save progres long wol ia (2 Nif 2:14–29; Alma 12:21–26). From hemia, oli mas givim ona long Adam mo Iv, from pat we tufala i plei blong mekem se yumi save mekem se yumi save gro go kasem taem we i no save finis. Adam, i Olfala blong Taem Bifo, mo tu, oli save hem olsem Mikael (Dan 7; D&K 27:11; 107:53–54; 116; 138:38). Hem i jif enjel (D&K 107:54) mo bae hem i kam bakegen long wol olsem petriak blong famli blong man (D&K 116).

God i bin krietem man folem pikja blong hemwan, Jen 1:26–28 (Moses 2:26–28; Ebr 4:26–28).
God i mekem man i rul ova long evri samting, mo i givim komanmen long hem blong oli karem fulap pikinini mo fulumap wol, Jen 1:28–31 (Moses 2:28–31; Ebr 4:28–31).
God i putum Adam mo Iv long Garen blong Iden mo i blokem tufala blong kakae long frut blong tri blong save gud mo nogud, Jen 2:7–9, 15–17 (Moses 3:7–9, 15–17; Ebr 5:7–13).
Adam i givim nem blong evri samting we i stap laef, Jen 2:19–20 (Moses 3:19–20; Ebr 5:20–21).
God i maredem Adam mo Iv, Jen 2:18–25 (Moses 3:18–25; Ebr 5:14–21).
Setan i temtem Adam mo Iv; tufala i kakae frut ia we i no blong kakae, mo God i bin sakem tufala aot long Garen blong Iden, Jen 3 (Moses 4).
Adam i kasem 930 yia taem hem i bin ded, Jen 5:5 (Moses 6:12).