INcwadi kaMoroni
Isahluko 1
UMoroni ubhalela ukuthi kuzuze amaLamani—AmaNefi angenakumphika uKristu ayabulawa. Cishe ngonyaka weNkosi wama 401 kuya kowama 421.
1 Manje mina, Moroni, emva kokuthi sengiqedile ukufinyeza indaba yabantu baJarede, bengingacabangi ukuthi ngizobuye ngibhale okunye, kepha nokho angikafi; futhi angizivezi kumaLamani hleze angibulale.
2 Ngokuba bhekani, izimpi zawo ziyesabeka kakhulu phakathi kwawo uqobo; futhi ngenxa yenzondo yawo abulala wonke amaNefi angenakumphika uKristu.
3 Futhi mina, Moroni, anginaku mphika uKristu; ngalokho-ke, ngizulela noma yikuphi lapho ngingaya khona ukuze ngisindise impilo yami.
4 Ngalokho-ke, ngibhala ezinye futhi izinto ezimbalwa, ngokuphikisana nalokho ebengikucabanga; ngokuba bengingacabangi ukuthi ngizobuye ngibhale okunye; kepha ngibhala ezinye izinto ezimbalwa, ukuze mhlawumbe zibe wusizo kubafowethu, amaLamani, ngolunye usuku oluzayo, ngokwentando yeNkosi.