Isahluko 3
Amagosa abeka abaphristi kanye nabafundisi ngokubabeka izandla. Cishe ngonyaka weNkosi wama 401 kuya kowama 421.
1 Indlela abafundi, ababebizwa ngamagosa ebandla, ababebeka ngayo abaphristi kanye nabafundisi—
2 Emva kokuthi sebekhulekile kuBaba egameni likaKristu, babeka izandla zabo phezu kwabo, base bethi:
3 Egameni likaJesu Kristu ngikubeka ukuthi ube ngumphristi (noma uma engumfundisi, ngikubeka ukuthi ube ngumfundisi) ukuthi ushumayele ukuphenduka kanye noku thethelelwa kwezono ngoJesu Kristu, ngokubekezela ngokholo egameni lakhe kuze kube sekugcineni. Amen.
4 Futhi bababeka ngalendlela abaphristi kanye nabafundisi, ngokwe zipho kanye nokubizwa kwabantu nguNkulunkulu; futhi bababeka ngamandla kaMoya oyiNgcwele, owawukubo.