Puk lal Moroni

1 Inge nga, Moroni, tukun nga ahksahfyelah ahkfototoyeyacn sramsram luhn mwet lal Jared, nga nuhnkuh tuh in tui ke sihm uh, tuhsruhk nga soenna misac; ac nga tiac ahkkahlwemyeyuc sifacna nuh sin mwet Laman tuh elos ac uniyucwi.

2 Tuh liye, mweun lalos arulacna upac inmahsrlolos sifacna; ac ke srihpen kasrkuhsrak lalos elos uniyac mwet Nephi nuhkwewa suc tiac lahfwekihn Kraist.

3 Ac nga, Moroni, ac fah tiac lahfwekihn Kraist; ohinge, nga forfor nuh ke oacna sie acn nuh ke karihngihnyacn moul luhk sifacna.

4 Ohinge, nga suhmuhslah ma puh pac, siena liki ma nga tuh nuhnkuh ah; tuh nga tuh nuhnkuh muh nga ac tui tilac sihm; tuhsruhk nga suhmuhslah ma puh pac, tuh sahp ma inge in kuh in oasr kalmac nuh sin mwet wiyuck, mwet Laman, ke kuhtuh pacl fahsruh, in fal nuh ke luhngse luhn Leum.