1 E palabranan di Cristo, ku el a bisa su disipelnan, e diesdos kende el a skohe, mientras el a pone su mannan riba nan—

2 I el a yamanan pa nòmber, bisando: Boso lo dirigí na e Tata den mi nòmber, den poderoso orashon, i despues ku boso a hasi esaki boso lo tin poder pa esun riba kende boso pone boso man, boso lo duna Spiritu Santu, i den mi nòmber boso lo duné, pasobra asina mi apòstelnan ta hasi.

3 Awor Cristo a bisanan e palabranan aki na e tempu di su promé aparishon; i e multitut no a skuch’é, pero e disipelnan a skuch’é, i riba tantu manera nan a pone nan mannan, E Spiritu Santu a kai.