1 E manera ku nan èldernan i presbíteronan ta parti e karni i sanger di Cristo na e iglesia; i nan a bendishon’é segun e mandamentunan di Cristo; asina nos sa ku e manera ta korekto; i e èlder òf presbítero a atministr’é—

2 I nan tabata hinka rudia ku e iglesia, i hasi orashon na e Tata den e nòmber di Cristo, bisando:

3 O Dios, e Tata Eterno, nos ta pidibo den e nòmber di bo Yu, Jesucristo, pa bendishoná i santifiká e pan aki pa e almanan di tur esnan ku ta partisipá di dje; pa nan por kome den memoria di e kurpa di bo Yu, i testifiká na abo, O Dios, e Tata Eterno, ku nan ta dispuesto pa tuma riba nan e nòmber di bo Yu, i semper kòrd’é, i warda su mandamentunan ku el a dunanan, pa nan por tin su Spiritu semper huntu ku nan. Amèn.