1 Ke ohiyac ma mwet tuhma lutlut, suc pahngpahng elder luhn alu uh, akmuhsraelah mwet tol ac mwet luti—

2 Tukun elos pruhe nuh sin Pahpah ke inen Kraist, elos fihliyac paholos faclos, ac fahk:

3 Ke inen Jisus Kraist nga akmuhsrai komlac in sie mwet tol (kuh el fin sie mwet luti, nga akmuhsrai komlac in sie mwet luti) in luti auliyak ac iyucklac luhn ma koluk ke Jisus Kraist, ke muhtweng luhn luhlahlfongi ke Inel nuh ke sahflah. Amen.

4 Ac tukun ohiyac se inge elos akmuhsraelah mwet tol ac mwet luti, in fal nuh ke mwe sang ac pahng luhn God nuh sin mwet uh; ac elos akmuhsraeloslac ke kuh luhn Nguhn Muhtahl, ma oasr yohrohlos.