1 Ko e founga naʻe ngāue ʻaki ʻe he kau ākongá, ʻa ia naʻe ui ko e kaumātuʻa ʻo e Siasí, ke fakanofo ʻa e kau taulaʻeikí mo e kau akonakí—

2 Hili ʻenau lotu ki he Tamaí ʻi he huafa ʻo Kalaisí, naʻa nau hilifaki honau nimá kiate kinautolu, ʻo pehē:

3 ʻI he huafa ʻo Sīsū Kalaisí ʻoku ou fakanofo koe ke ke hoko ko ha taulaʻeiki (pea kapau ko ha akonaki ia, ʻoku ou fakanofo koe ke ke hoko ko ha akonaki) ke malanga ʻaki ʻa e fakatomalá mo e fakamolemole ʻo e ngaahi angahalá ʻia Sīsū Kalaisí, ʻi he kātaki ʻi he tui ki hono huafá ʻo aʻu ki he ngataʻangá. ʻĒmeni.

4 Pea ko e founga ʻeni naʻa nau fakanofo ai ʻa e kau taulaʻeikí mo e kau akonakí, ʻo fakatatau ki he ngaahi meʻafoaki mo e ngaahi ui ʻa e ʻOtuá ki he tangatá; pea naʻa nau fakanofo ʻa kinautolu ʻi he mālohi ʻo e Laumālie Māʻoniʻoni, ʻa ia naʻe ʻiate kinautolú.