1 Pa inge ohiyac luhn elder ac mwet tol lalos in sang ikoac ac srah luhn Kraist nuh sin mwet ke alu uh; ac elos sang fal nuh ke masap luhn Kraist; ohinge kuht etuh tuh ohiyac uh pwacye; ac elder kuh mwet tol uh tuh pruhe ahkinsewowoye ma inge—

2 Ac elos tuh sikuckmuhtuhnte wi mwet ke alu uh, ac pruhe nuh sin Pahpah ke inen Kraist, fahk:

3 O God, Pahpah Ma Pahtpaht, kuht siyuck Sum ke inen Wen nuhtum, Jisus Kraist, in ahkinsewowoye ac ahkmuhtahlye puhret se inge nuh sin mwet nuhkwewa suc ipeis kac; tuh elos in kuh in mongo in esam monun Wen nuhtum, ac ahkkahlwemye nuh Sum, O God, Pahpah Ma Pahtpaht, tuh elos insese in eis nuh faclos inen Wen nuhtum, ac esamuhl pacl nuhkwewa, ac liyacacng masap Lal ma El tuh sang nuh selos, tuh Nguhn Lal in kuh in weluhlos pacl nuhkwewa. Amen.