Isahluko 4
Indlela amagosa kanye nabaphristi ababusisa ngayo isidlo esingcwele iyachazwa. Cishe ngonyaka weNkosi wama 401 kuya kowama 421.
1 Indlela amagosa kanye nabaphristi babo ababebusisela ngayo ibandla umzimba kanye negazi likaKristu; futhi babekubusisa ngokwemiyalelo kaKristu; ngalokho-ke siyazi ukuthi lendlela iyiqiniso; futhi yigosa noma ngumphristi owayekubusisa.
2 Futhi babeguqa phansi nebandla, futhi bakhuleke kuBaba egameni likaKristu, bethi:
3 O Nkulunkulu, Baba waPhakade, siyakucela egameni leNdodana yakho, uJesu Kristu, ukuthi ubusise futhi ungcwelise lesi sinkwa emiphefumulweni yabo bonke labo abasidlayo; ukuze basidle bekhumbula umzimba weNdodana yakho, futhi bakhombise kuwe, O Nkulunkulu, Baba waPhakade, ukuthi bayafisa ukubizwa ngegama leNdodana yakho, futhi bayikhumbule njalo, futhi bagcine imiyalelo yayo ebanikeze yona, ukuze babe no Moya wayo njalo. Amen.