Wóltaʼii 5
Kótʼéego éiyá chʼil naʼatłʼoʼii bitooʼ yikʼi sodadilzin dóó ataadeikaʼígíí éí baa haneʼ. Díí éiyá Jesus náádiidzá dóó bikééʼdóó 401–421gi nahalzhiishgo yihahą́ądą́ą́ʼ ádahóótʼįįd.
1 Kótʼéego éí chʼil naʼatłʼoʼii bitooʼ bá sohodizin dóó ataakaʼ—Jó, bąąh haʼíízhahí éí yee ńdeidiikaahii, dóó kódadííniid:
2 O Diyin God, Hoolʼáágóó aTaaʼ nílíinii, niYeʼ, Jesus Christ, bízhiʼ binahjįʼ ádaʼndiiʼní, díí chʼil naʼatłʼoʼii bitooʼ bikʼijinídliih dóó diyingo ádíílííł diné tʼáá ałtso yidoodlį́łígíí bá, áko dayoodlą́ąʼgo niYeʼ Jesus Christ bidił, bá dadeeznáʼą́ą yéédaalniih dooleeł; áko nichʼįʼ ííshją́ą́ ádaʼdiilyaa doo, O Diyin God, Hoolʼáágóó aTaaʼ nílíinii, niYeʼ éí tʼáá áłahjįʼ yéédaalniih dooleeł, áko biiʼSizíinii tʼáá áłahjįʼ bił dahólǫ́ǫ dooleeł. Amen.