1. Tehegine weyob ibmar kude, abinadi summaisad pergusgua, erey, nerganga soide, pemar sedye, ar we tule pemar iploye.

2. Ar wemar tulemar abargi, tule warguen kwismoga, enuga Alma ye, Nefi ewagua moga. Tehegi ede sapinguagua, al Abinadi ibmar soisad ittosa, tehgi maga ittosa emar isgudidihidigi sunmaisadi al Abinadi de wisgusa, al eh na parsoisa emar isgududihidi; Tehegine eh de Abinadi napinsaidi kuali erey ebo na sunmade mel-legi Abinadi se urwegala unnula nuedgi parmidegala.

3. Tehigi, erey bur ulude, etulemarga soide, Alma ononamarye, emar abargi kuidsidgine, al ega maiga tulemar kumalad ga saide, paleginmar ye opurgegala.

4. A de aha tulemar ekidsa, ar tukusa kuen amisurguamala, tehgine ibagan undar tukuedgi na Kus moga, Abinadi kaiya purba soisadi.

5. Tehegine erey esordamar ga soide, pemar Abinadi, gamalagarye; ar etishamala esgar yaqi medemala.

6. Ar iba paha gi nergan igar ittosmaladgine, kannar erey se kodsa, eh asabin sedagegala.

7. Tehegine soidemala; Abinadi, we ibmar pegine anmar nasigmala, tehgi soggua peh purgoe.

8. Ibigala ar peh na soisa, Pab tummad tule mimmimar abargi aidego ye, ar dulale peh kindailegoe; peh osuloge we ibmar soisadi, tehgi bar peh purgo suli; idsagua Sunmaisa, an neggueburgine.

9. Tehgine Abinadi abinnimade; pehmar soisa. We kaiyah purba soisad neggueburga ar napiraguadide ye; ar pemar wisguegala napiraguadi, pemar argangi an Kalesa.

10. Eye, ar an wilegoe purgedsega, tehginiguale we ibmar an osulogo suli an soisadi; al we ibmar yohoed pemargi sunmailegoe. Tehegine an oburgemaloed, we tule nued eh ablis pemar mimaloe al yohoedse pemargi we ibmar nagudih kudoe.

11. Tehegine erey noe esigged naga kannar gualin, ar we Kaiya purba soilesad nue tobgude; eye, Pab se yohoedse wilegoed gi na pinsade, we Kaiya purba soilesad gine.

12. We gihidba nergan pinnasulid soidemola Abinadigala, tehegine egi ibmar nasigdemala, soidemala, erey gi idsagua summaidi ye. Tehgi erey ar se uludsunna, ar uide sunna oburgegala.

13. Tehegine edinnar sesmala; ar sohogi esan ogunmaisamala, eye tehgi oburgismala.

14. Ar sohogi ehsan Kunmaidegua, ehmarga soide:

15. We gihidba, igi pemar an imaisagi, we yobi peh tulamar yoho tanimalaed Wilemarmogoe, tummad oturtailemarmogoe sohogine; tehegine we yob kumaloed ar Pab tummad pensurmalad bali emar pentailemaloedbali.

16. Tehegine emar isgudidihmaladba, tummad wilemaloe, ponigan tummad abgamaloe.

17. Eye, ar pia nad sogelo tummad oturtailemaloe, al istar tailedi kudmaloe pia nadsogele, igi ibmar turgan tanar kudihi yobi ibtula ursulid se palegil-ledih kudmaloe.

18. Yohoedse, pemar galemaloe peh istarmaladsega; tehgi oturtailemaloe, an wilenaiyobi, sohogi tummad naipi ittomaloe, purgemaloe.

19. We yob Pabtummad abinsae, tulemar Pba negguebur ittobiele. ¡Paba an sanpurba peh abingae!

20. Ar Abinadi weyob ibmar soisagua purgisa soho gi kúnmakar purgisa; eye opurgilesa Pab tummad pensulid bali, al igar na mesisa napiraguadgine, eh Kaiya purba soisad ba na purgisa.