1. Tehegi ibmar weyob kudsunna, erey Benahamin we yob neggueburga sunmasad pergusgua, tulemar parmisa, wisguegala eh immar soisad maga ittosmar dibeye.

2. Ar pela etulamar soidemala, Eye anmar pela maga ittosmala we ibi anmar ga soilesadi; al napiraguadi, inniggiguad bali, Pab tummad epurba nued anmar gi oubosa, anmar pinsamalad na kuaisamala, bar igar isgued imaibi surmala, unnila igargan nuegan imaimaloe tehgi kadegumaloe.

3. Tehegine amba anmar maga Pab tummad wile anmar taked ba, al purba nued ibmar soisadba, anmar nue wisgumaloe ibmar tanikoedi; tehgi, al nue abelegele. Sunna immar pela kuable par soimar mogoe.

4. Erey anmar ga immar soisadi, ar kuage ulubgi pengudsupmaladgine, ibmar pukidar wisgusmala, ibiyobi welidar ittosmala we immar bali.

5. Ar anmar, Pab tummad ebo igar mesmala, esogedba nanamalagala, tehegi eigar sogedba tamalagala, we napnegi kudihidgine, Eh mer anmar aturtakegala yohodsega, igi anger anmar ga soisayobi, al Pabtummad yohodse anmar se urwegala.

6. Tehegine Erey Benhamin weyob abesa, ehmar weyok igar saegala; teheginbali pemarga na soge; an abesa, weh kaiya purba pemar soisadi; Ar we ibmar mesismalad, igar innigiguadi.

7. Emidi pemar ebo igar mesisad ba nugimalemaloe, Cristo eh mimmiganye, eh mimmimala; emi eh purba nued sunsoged ubosadgi nuggusmala, imasmala, epunamala, tehe gi soisamala na kuage ulubgi kuaisamala, ulubgi enug pensulidgine, tehgi eba kualulesa, ar emimmigan ye nuggunomisunna.

8. Tehegine wehe nuiba pentailemaloe, al paid nuiba kuen pentailego surmala. Nuiy paid suli anmar pentakedi; tehgi soggu. Piddigidba pemar Cristo eh nuga abin gasmalana gadin ye, pela pemar Pab ebo igar mesis maladgine, eigarba nue nanamaloye, pemar san perguedsega.

9. Ar weyob kudoe, argan nued siki kuisguoe Pabtummad waligga, al na nuiy wisguoe; tehgi Cristo enuga seoe.

10. Tehegine we yob kudoe Cristo enuiy ga abinga surmalale, ar nuiy paid abingamaloe, al Pab tummad argan sabbiled siggi kuisgumaloe.

11. Al pemar nue epinsamar baloe, we nuga pemarga na soisa, ukoye, ar kuen osurguosuli, tehgi sokua, nue na taimaloe, mer isgumaloe we nuga mel-legi elimalagala kuagegine.

12. An pemarga soge: Nue epinsamloe, we nuga kuage gi narmakar nue sehmaloe, mel-legi Pab tummad argan sapiledsig kwisguhegula, ar unnila maga ittogegala, tehgi eh Kaiya purba maga ittomaloe pehmar se Kol-lealile, ar eh nugaguar pehmar se Kol-lemaloe de.

13. Ar ¿Igi wisgumaloe ah tule, etummad ba arba ibmar imaisasulile, al ega tule paidga kudoe, tehegi ekuage pinsad ba nue pinsanasulile?

14. Teheginbali ¿Tule warguen, eneg tikarbalid, ibe moli susale, ar osaboe? An soge wegi suli; almasgi okudsasurbalile, unnila na onosale. Pehmarga na soimala, weyob pehmar kudele enuga widsurmalale, pehmarse Kol-lealile.

15. Tehegine pehmar pidigibali, kege annire, siggurmake. Kusmar sunnana gadina, ar tehgi sadeguha, igargan nuegan bi imarsamalana Kadina, Cristo, Paba tule tummad sunna suga nasikohe ekad ga sahegala, nikneise sunna ba namaloe, tehgi sunna san pentailemaloe, san kege kuinmakedi, eh immar wisidba, Kanguhed, igar napiraguad innigiguadi, ar wile anmar takedi, we immar pela obinnisadi, napneggined, nib neggined, ar we Pab Tummadi. Tehgin Kadinye.