1 Dóó kʼad, áádóó Alma, aláahdi naatʼáanii Noah bá ndaalteʼé yílákʼee haalwodę́ę, bąąhági ádaatʼéii dóó tʼóó baaʼihii bee bá ndeetʼą́ągo beʼiinaʼ łahgo áyiilaa, dóó nanitingo diné yitaaghá, dóó Abinadi yee haadzíʼę́ę yee naʼdíʼníítą́ą́ʼ—

2 Aooʼ, náás ádahodooníiłii, dóó daneeznáanii náádidoojahígíí, dóó diné bá nináʼílyáhígíí yee naʼneeztą́ą́ʼ, éí éí Christ bibee adziilii, dóó tiʼhoozniiʼę́ę, dóó biʼdiisxínę́ę biníkááʼ góneʼ, dóó bitsʼíís yiih náádzáago hiná náásdlį́ʼígíí dóó yáʼąąsh gódei nádzáhígíí yee bá nináʼílyá.

3 Dóó tʼáá háíshį́į́ bizaad yidiiztsʼą́ʼígíí éí neineeztą́ą́ʼ. Dóó éí éí nanitʼingo neineeztą́ą́ʼ, aláahdi naatʼáanii doo bił bééhodoozįįł da biniiyé. Áko ląʼída bizaad dayoosdląąd.

4 Áádóó ląʼída bizaad dayoosdląądígíí Mormon hoolyéedi náhaaskai, aláahdi naatʼáanii hózhiʼígi, naaldlooshii daʼałchinii, náhadleeh, hazʼą́ bitsį́įgi.

5 Kʼad, Mormongi tó tsʼídá niłtólígo siyį́, dóó Alma áadi níyá, tó bitsį́įgi tsin ádaałtsʼísígíí adaazʼá, ákweʼé aláahdi naatʼáanii habinitáago jį́įgo nináditʼį́į́h.

6 Áádóó daboosdląądígíí bizaad deididootsʼį́į́ł biniiyé áadi náhaaskai.

7 Áádóó ląʼí yiską́ągo ląʼída Mormon hoolyéegi áłah silį́į́ʼ, Alma bizaad deididootsʼį́į́ł biniiyé. Aooʼ, tʼáá ałtso bizaad dayoosdląądígíí áłah silį́į́ʼ, deididootsʼį́į́ł biniiyé. Dóó neineeztą́ą́ʼ, dóó iiná łahgo ánálnééh, dóó nináʼílyé, dóó Bóhólníihii woodlą́ yee neineeztą́ą́ʼ.

8 Áádóó kwíídííniid: Jó, kǫ́ǫ́ Mormongi tó naazyį́ (ákótʼáo dawójí) dóó kʼad, Diyin God bisodizin bá hooghan bididiikah danohsinígíí, dóó bidineʼé nihidiʼníi dooígíí, dóó tʼáá nihí íiniidzingo nihichʼįʼ ndahwiiʼnánígíí bee ahíłká ańdeiijah dooleeł, áko bee ádaniilzólí doo;

9 Aooʼ, dóó yínííł danilíinii bił yínííł danohsingo bíká adoohjah; aooʼ, dóó doo bił dahatsʼíidii bee bił hatsʼííd bee bíká oohjeeh, dóó tʼáá áłahjįʼ dóó tʼáá ałtsoní biiʼ, dóó tʼáá ałtsogóó naháago biiʼ, Diyin God bá ndasoozį́, azhą́ ádin dasoolį́įʼjįʼ ndi, áko Diyin God nihá nináʼnídláa dooleeł, dóó tsʼídá áłtsé nááʼdiijeehdi daʼnohtah dooleeł, áko hoolʼáágóó Diyin bił hinohnáa dooleeł—

10 Kʼad ánihidishní, díí tʼáá íiyisíí danohsingo, haʼátʼíísh éí biniiyé doo Bóhólníihii bízhiʼ binahjįʼ tó bee danihiʼdiilzį́įh da, bidááhdóó bił ahadaʼdinoohtʼánígíí bee bééhózin doo, bá ndaahłnish dóó bibeehazʼáanii bikʼeh dahonołʼį́į dooleeł, áko biiʼSizíinii hózhǫ́ yee nihikʼijidoodliił?

11 Dóó kʼad diné díí deideeztsʼą́ąʼgo, bił dahózhǫ́ǫgo bílaʼ ahídaazkad, dóó hadadoolghaaz: Díí tʼáá íiyisíí nihijéí biyiʼdóó daniidzin.

12 Dóó kʼad áádóó Alma Helam bílaʼ yiyiłtsood, bí atah áłtsé Alma yoosdląąd, dóó táyiʼ yiizįʼ, dóó yéigo haadzííʼ, kóníigo: O Bóhólníihii, niiʼSizíinii nánaalnishii bił hólǫ́ǫgo ánílééh, áko bijéí biyiʼ dóó díí naanish hodísingo íidoolííł.

13 Dóó díí saad yee haadzíiʼgo, Bóhólníihii biiʼSizíinii bił hooleʼ, dóó ádííniid: Helam, Diyin God Ayóó Átʼéii bibee óhólníihii bee, tó bee niisįįh, díí náánʼdiilyáajįʼ bá nanilnishgo bee bił ałhadíʼnítʼą́ągo íinilaa; dóó Bóhólníihii biiʼSizíinii tʼáá íiyisíí nił hólǫ́ǫ leʼ; dóó hoolʼáágóó Diyin God bił hinínáa leʼ, Christ nináʼnídláhígíí biníkááʼ góneʼ, éí éí kéyah ádaalneʼ yę́ędą́ą́ʼ hashtʼeyiilaa.

14 Dóó Alma díí saad ałtso yee haadzíiʼgo índa, Alma dóó Helam tó bił diilkǫʼ; dóó neidzįʼ dóó bił hózhǫ́ǫgo táyiʼdę́ę́ʼ haaʼáázh, Iiʼsizíinii bił hólǫ́ǫgo:

15 Dóó nááná, Alma łaʼ yił nináádiitʼáázh, dóó taah naanáátʼáazhgo naakidi azlį́į́ʼ, dóó áłtséédą́ą́ʼ yę́ęgi átʼáo tó yee yiyíísį́į́ʼ, tʼáá hazhóʼó bí éí tʼáadoo yaa kódzaago tó bił diilkǫʼ da.

16 Dóó ákótʼéego tʼáá háíshį́į́ Mormongi níyáhígíí tó yee yiyíísį́į́ʼ; áko naakidi neeznádiin dóó baʼaan dį́į́ʼ lá; aooʼ, Mormongi tó naazyínígíí biiʼ tó bee dabiʼdiilzį́į́ʼ, dóó Diyin God bidiyingo joobaʼ biiʼ hadadéébįįd.

17 Dóó Diyin God bisodizin bá hooghan daosyeʼ, éí doodago Christ bisodizin bá hooghan, áádóó wóshdę́ę́ʼ. Áádóó tʼáá háiida Diyin God bibee adziilii dóó bibee óhólníihii bee tó biʼdoolzį́įʼgo éí sodizin bá hooghan yidiiyá silį́į́ʼ.

18 Áádóó Alma, Diyin God bibee óhólníihii beiníláhígíí biniinaa, priest danilínígíí yikʼidiilniiʼ; ashdladiin diné dah yikahgo tʼááłáʼí yilą́ąjįʼ naazį́įgo nadaʼnitingo yikʼidiilniiʼ, dóó Diyin God bił hazʼą́ądi bídadéétʼiʼígíí yee ndaʼnitin.

19 Dóó tʼáadoo ndaʼnohtiní tʼáá hazhóʼó bee haasdzíʼígíí tʼéiyá yidííniid, dóó Diyin God yá dahalneʼii yee hadahasdzíʼę́ę tʼéiyá.

20 Aooʼ, dóó tʼáadoo ndaʼnohtiní tʼáá hazhóʼó iiná łahgo ánálnééh dóó Bóhólníihii, bidineʼé yá nináʼnídláhígíí, yoodlánígíí tʼéiyá.

21 Dóó tʼáadoo saad ałhídaatʼááhí yidííniid, ndi łáʼí danohłį́įgo tʼáadoo leʼé danółʼį́, dóó tʼáá łáʼígi átʼáo oodląʼ dóó tó bee alzį́į́h ádaołʼį́, nihijéí bee łáʼí danohłį́įgo dóó ayóo daʼahíínóhʼní.

22 Dóó ákótʼáo ndaʼnohtin yidííniid. Dóó kótʼáo Diyin God baʼáłchíní daazlį́į́ʼ.

23 Dóó Diyin God bidamóo bijį́į́ góneʼ beehazʼáanii bikʼeh dahonołʼį́ yidííniid, dóó diyingo ádeínóhsin, dóó tʼáá ákwíí jį́ Bóhólníihii biDiyin God ahéheeʼ dabidohniih yidííniid.

24 Dóó priest danilínígíí yikʼidiilniiʼígíí tʼáá nihí nihílaʼ bee ákʼindaałdzil dooleeł yidííniid.

25 Dóó tʼáá damóo ooleeł biyiʼ łaʼajį́ diné áłah ńdaadleehgo ndaʼnitingo ádayiilaa, dóó Bóhólníihii biDiyin God deidósingo, dóó ałdóʼ, tʼáá yídaniłdzilígíí bikʼehgo, áłah ńdaadleehgo ádayiilaa.

26 Dóó priest danilínígíí doo diné yadaʼólíígóó tʼáá bí akʼindaaldzilgo ndaakai; ákondi ndaalnishgo Diyin God bidiyingo joobaʼ bichʼįʼ kółʼį́į doo, áko Iiʼsizíinii tʼáá íiyisíí yee dadínóosééł, dóó Diyin God beʼééhózin bił béédahózingo, áko Diyin God bibee adziilii dóó bibee óhólníihii yee ndaʼnitin dooleeł.

27 Dóó nááná Alma sodizin bá hooghan daʼatahígíí nihinaalyeʼé bee ahíłká ańdaahjah náánéídooʼniid, tʼáá ałtso bee dahólónígíí bikʼehgo; ląʼígo bee dahólónígíí éí tʼáá yéigo áká anájah dooleeł; dóó áłchʼį́į́dígo bee dahólónígíí, ndi tʼáá áłtsʼíísígo áká ańdaajah dooleeł; dóó tʼáadoo leʼé bee ádinii éí bíká adoowoł.

28 Dóó kótʼáo tʼáá bí bíniʼ dóó Diyin God yichʼįʼ yáʼátʼééh danízinígíí dabikʼehgo binaalyeʼé yee áłká anájah, dóó priest danilínígíí bee ádaadin naazínígíí bichʼįʼ, aooʼ, dóó tʼáá ałtso diné bichʼįʼ ańdahaztʼiʼígíí, dóó beʼééʼ ádaadinii bichʼįʼ.

29 Dóó díí yee yichʼįʼ haadzííʼ, Diyin God ábiłníigo; dóó áko Diyin God binááł yáʼátʼéehgo dahiná, atsʼíís dóó iiʼsizíiniikʼehgo ahíłká ańdaajah deinízinígíí dóó bee ádaadinígíí bikʼehgo.

30 Dóó kʼad áádóó díí éí tʼáá ałtso Mormondi ádahoodzaa, aooʼ, Mormondi tó naazyínígíí, Mormondi tó siyínígíí bíighahgi tsintahgi, aooʼ, Mormon hoolyéiidi, Mormondi tó naazyínígíí, Mormon bitsintahdi, áko biNináʼnídláhígíí bił béédahósinii deiniłʼį́įgo tʼáá íiyisíí bił danizhóníyeeʼ; aooʼ, dóó dooládóʼ bikʼihojisdliʼ da, háálá yichʼįʼ dahataał dóó hoolʼáágóó yaa dahaniih dooleeł.

31 Dóó díí éí kéyah hahoodzoh bitsį́įgi ádahoodzaa, áko aláahdi naatʼáanii doo bił bééhodoozįįł da biniiyé.

32 Jó ndi, áádóó aláahdi naatʼáanii, éí diné bitahgóó nahaneʼgo bił bééhoozin, bá ndaalnishígíí éí diné hazhóʼó hadeisííd dooleełgo éí ákǫ́ǫ́ yichʼįʼ ayííłʼaʼ. Éí bąą Bóhólníihii bizaad deididootsʼį́įłgo áłah yileehgo aláahdi naatʼáanii habideesʼį́į́ʼ.

33 Dóó kʼad aláahdi naatʼáanii Alma diné shikʼijįʼ danilį́įgo yichʼįʼ hanádzih dííniid; éí bąą yá ndaabaahii ndeidoołtsił biniiyé yichʼįʼ yiyííłʼaad.

34 Áádóó Alma dóó Bóhólníihii bidineʼé aláahdi naatʼáanii yá ndaabaahii bichʼįʼ yikahgo bił hóóneʼ; éí bąą bidaníbaal dóó badaʼáłchíní ałghaʼádayiilaa dóó doo diné kééhatʼínígóó dah dadiiná.

35 Dóó diné ánéelą́ʼígíí dį́įʼdi neeznádiin dóó baʼaan ashdladiin.