Mwakoro 114
Kaotioti ae kaotaki ri nanon Iotebwa Timiti te Burabeti, i Far West, Missouri, n Eberi 11, 1838.
1–2, Taian nakoa n te Ekaretia are a tauaki irouia naake a aki kakaonimaki a na anganaki tabeman.
1 E koaua ae taku te Uea: E bon riai ibukin au tia mwakuri ae David W. Patten, bwa e na katiai ana mwakuri ni iokinabwai ni kabane n te tai ae e waekoa n aron ana konaa, ao e kabo nakoi ana bwai ni iokinibwai, bwa e aonga ni karaoa ana mition nakoiu n tain manga rikin aroka ae e na roko, n raoniia tabeman, ake tengaun ma uoman ni ikotaki ma bon ngaia, ni kakoaua ibukin arau ao ni katanoata te rongorongo ae kakukurei nakon te aonaba ni kabane.
2 Bwa e koaua ae taku te Uea, bwa ngkana e teimatoa n iai i buakomi ake a aki butimwaea arau, a na rineaki tabeman n onea mwiia ao n anganaki aia bitiobiriki. Amen.