Mwakoro 2
Te rongorongo ae anaaki man Rongorongon Iotebwa Timiti are e taekina iai ana taeka te anera ae Moronaai nakon Iotebwa Timiti te Burabeti, ngke a mena n ana auti taman te Burabeti i Manchester, New York, n tairikin Tebetembwa 21, 1823. Moronaai bon ngaia te kabanea mai buakoia taan tia tau mwiin rongorongo are ngaia ae e kinaaki ngkai n te aonaba bwa Ana Boki Moomon. (Kabootaua ma Maraki 4:5–6; ao mwakoro naba 27:9; 110:113–16; ao 128:18.)
1, E na kaota te Nakoanibonga Eria; 2–3, Aia berita taama a unikaki i nanoia naati.
1 Nooria, N na kaota nakoimi te Nakoanibonga, man bain Eria te burabeti, i mwain rokon ana bong are e kakannato ma ni kakamaku te Uea.
2 Ao e na unikia i nanoia naati berita are a tia ni karaoaki nakoia taama, ao a na rairi nanoia naati nakon tamaia.
3 Ngkana tiaki ngaia anne, te aonaba ae bwanin e na bon urubekebekeaki n rokona.