Karekean te tai ibukia naake a tia ni mate n aki karekei otenanti ni kamaiu n te euangkerio bwa a na karekei otenanti aikai bwa a na karaoaki ibukia n taian tembora irouia kaain te Ekaretia aika maiu ao a tau. Maate a reireiaki te euangkerio n te aonaba n tamnei ao a kona ni butimwai otenanti ake a karaoaki ibukiia n te maiu n rabwata.
Kaain te Ekaretia aika kakaonimaki a kakae ao a katauraoa rongorongon aia utu ni bairei araia ma aia bong ni bung aia bakatibu bwa aonga ni kona ni karaoaki otenanti ni kamaiu ibukia.