Te Mate, n Rabwata

Maenakon te rabwata ma te tamnei. Te Bwaka e karokoa te maiu ae mamata ao te mate nakon te aonaba (2Nib. 2:22; Mote 6:48). Ana mwakuri ni kamaiu Iesu Kristo e tokanikai i aon te mate n te aro are aomata ni kabane a na mangauti (1Korin. 15:21–23). Te mangauti bon te bwaintituaraoi ae akea bona nakoia aomata ni kabane n aki tabe bwa a tia ni karaoa ae roiraoi ke ae buakaka n te maiu aei (Aram. 11:42–44). Aomata n tatabemaniia a karawawataki n te mate n rabwata ae ti teuana, kioina ngkai ngkana ti mangauti, rabwatara aki kona ni manga mate (Aram. 11:45).