N aron kabonganakina ni koroboki aika tabu, te kabwara bure nanona bon teuana ibukin bwaai aika uoua: (1) Ngkana e kabwaraki aia bure aomata iroun te Atua, e kamaunai ke e katuka te rekenikai ae kainnanoaki ibukin te bure. Rinanon ana mwakuri ni kamaiu Kristo, kabwaraan bure e kona n reke nakoia ni kabane ake a rairananoia, ma tiaki naake a bure n tiriaomata ke te bure ni kaitara te Tamnei are Raoiroi are e aki kona ni kabwaraki. (2) Ngke a kabwara bure aomata i marenaia, a karaoa nakon temanna aron ana tangira Kristo ao akea irouia te namakin ae buakaka nakoia naake a bure nakoia (Mat. 5:43–45; 6:12–15; Ruka 17:3–4; 1Nib. 7:19–21).