Bwai ni Kairi nakon Koroboki aika Tabu
Bwai ni Kairi nakon Koroboki aika Tabu a kaoti reirei, tuua, aomata, ao taabo ake a rineaki aika kuneaki n te Baibara ae Tabu, Ana Boki Moomon, Reirei ao Berita aika Tabu, ao Te Baeao ae Bati Bona. E anga naba oin koroboki aika tabu ibukim ake a na taraki bwa ko na kamatebwai ibukin boto ni iango n tatabeua nako. Te Bwai ni Kairi aei e kona ni buokiko n am kamatebwai ni koroboki aika tabu i bon iroum ao n te utu. E kona ni buokiko ni kaekai titiraki i aon te euangkerio, boto ni iango ake a kamatebwaiaki ni koroboki aika tabu, ni katauraoi marooro ao reirei, ao ni karikirakea am atatai ao koaua n te euangkerio.
Te korotamnei ae oti ikai e kabwarabwara katotongan ae karinaki ni Bwai ni Kairi nakon Koroboki aika Tabu.
Aonaba
Te buraneti are ti maeka i aona, e karikaki iroun te Atua rinanon Iesu Kristo bwa e na kamanenaaki iroun te aomata i nanon katakina n te maiu ae mamate. Te kabotau, aomata ake a aki ongeaba nakon ana tua te Atua. Tokin kawaina bon te riki ni mimitong ao ni karietataaki (R&B 77:1–2; 130:8–9). Te aonaba e na riki bwa aia bwai ae akea tokina naake a tia n maiu n ae tau ibukin mimitongin te tiretio (R&B 88:14–26). A na kimwareirei i matan te Tama ao te Nati (R&B 76:62).
E karikaki ibukin te aomata
Itita
Tokin te Aonaba
Boto ni iango a turu manna.
Boto ni iango a kaairaki ma te kabwarabwara ae kimototo.
Tabeua boto ni iango a raonaki n bwaai aika karinaki. A oti aika n te koroboki ae manrara.
Bwaai aika irekereke aika a na taraki ni koroboki aika tabu a kaotaki i nanon taian roki.
N tabetai te rongorongo i aon te iango e aki kaairaki i aan te boto ni iango are ko taraia. Te taeka ae manrara ae Tara e na kairiko nakon te boto ni iango are e na kuneaki iai te rongorongo.
N tabetai tabeua boto ni iango n te bwai ni kaira iai rongorongo i nanona ake a irekereke nakon boto ni iango ake ko kamatebwaii. Taeka aika manrara aika Tara naba a na kairiko nakon boto ni iango aika irekereke aikai.
Bwaai aika a na taraki ni koroboki aika tabu ake a buokiko ni kamatatako n te kabwarabwara a rokiaki.
E rimoan bwaai aika a na taraki n tatabeua nako ni koroboki aika tabu te anaitaeka ae uarereke ke kakimototoan te koroboki ae tabu.
Te taeka ae manrara ae Tara (ke Tara naba) ae rimwiaki n te dash e tuangko bwa te rongorongo e kuneaki n te taeka ae karinaki bwa raon (“Tokin te aonaba”) te boto ni iango are te oi (“Aonaba”).
© 2017 by Intellectual Reserve, Inc. All rights reserved. Source: 5/21